ҮР ТАРИАНЫ СЕЛЕКЦИЙН СЕКТОР

Түүхэн замнал

1957 онд “Үр үржүүлэгийн тасаг” нэртэйгээр байгуулагдсан. 1963 онд селекци-үрийн аж ахуйн сектор болон өргөжсөн. 1966 онд үр тарианы селекцийн сектор болсон.

Үйл ажиллагааны чиглэл

Монгол орны агроэкологийн нөхцөлд үр тарианы селекцийн чиглэлээр суурь болон хавсрага судалгаа явуулж, таримал ургамлын шинэ сорт гаргаж, нутагшуулах зорилготой ажиллаж байна.

Зөөлөн буудай, хатуу буудай, арвай, хошуу будаа, тритикал зэрэг таримлаар селекц явуулж эрлийзжүүлэг, мутаци, маркер ген селекцид ашиглах аргуудыг ашиглаж селекцийн эх материал гаргаж байна.

Томоохон амжилтууд

Yр тарианы 108 сорт шинээр бүтээснээс зөөлөн буудайн 86, хатуу буудайн 11, хошуу будааны 4, бог будааны 2, арвайн 4, тритикалийн 1 сортуудыг шинээр гаргасан. Буудайн Орхон, Халхгол-1, Дархан-34, Дархан-74, Дархан-131, Дархан-144, Арвин, Цогт, арвайн Алаг-Эрдэнэ, Бурхант-1, бог будааны Бургалтай сортууд нутагшин газар тариалангийн үйлдвэрлэлийн 50%-д тариалагдаж байна.

ТУРШЛАГА СУДАЛГААНЫ БААЗ

Нийт 44 га, үүнээс усалгаагүй 43 га, усалгаатай 1 га талбайтай, 2 лабораторитай. Жилд 5000 гаруй селекцийн дугаарт агрономын шинжээр үнэлгээ өгдөг.

ГАДААД ХАРИЛЦАА

НҮБ-ийн Хүнс хөдөө аж ахуйн байгууллага, ОУЦЭА, ЦИММИТ, КОПИА, АФАЦИ, ВИР зэрэг ОУ- ын байгууллагатай хамтран ажиллаж байна.

Хүний нөөц: